Esta mañá interromperon un programa da galega para conectar co arcebispado de Santiago. Un señor tocado cun chapeu escarlata e unha sotana dirixiuse á nube de micrófonos e flashes:
"El Santo Padre, como un peregrino más y como testigo de Cristo resucitado, nos visitará el 6 de noviembre..." tamén engadiu: "El Santo Padre quiere que sea una visita sencilla...". Tamén dixo que non estaría ben que chegase o papa e estivese todo o andamiaxe que actualmente cubre o Pórtico da Gloria e que o presidente de Galicia encargouse persoalmente de ir a convencer ó papa e outras lindezas polo estilo.
Cando comeza o telexornal é a noticia principal, por riba dos mariñeiros mortos na desembocadura do Miño e de tódalas demais noticias, por suposto. Como Dios manda.
Eu pensaba que España era un estado laico pero cousas como estas "amén" doutras que agora non vou comentar aquí recórdanme, día a día, que iso é só na teoría. Na práctica, somos a reserva católica de Europa e a Igrexa ten un poder inxusto sobre todos nós, sexamos relixiosos ou non.
Quen paga a viaxe do presidente autonómico ó Vaticano? Quen vai pagar todo o dispendio que supoñerá a organización da visita do papa? Por que hai que retirar o andamio do pórtico da Gloria porque veña o papa se non se pensaba facer para o resto de milleiros de pelegríns que xa se sabe que están a vir e virán este ano? Por que o goberno permite que a Igrexa teña tanto poder inxusto?
Só hai unha resposta: os católicos, ademais de ir a misa, tamén votan. Sonche moitos votos de dios como para perdelos.
1 comentario:
Hay una profecía, no recuerdo ahora de quien exactamente. Que vaticinaba que este sería el último papa, y que moriria asesinado en una plaza. Quien sabe igual nos toca la breva.
Publicar un comentario